juli 2021

29 börðust við að gráta ekki. Önnur sögðu tilfinninguna í maganum, eins og að hafa stóra holu í maganum. Í sumum tilfellum kom sorgin út í reiði hjá börnunum eins og með því að skella hurðum eða annað slíkt. Mörg þessara barna höfðu horft upp á foreldra sína rífast undir áhrifum. Þau mynduðu ýmsa varnarhætti gagnvart rifrildunum, svo sem með því að fjarlægja sjálf sig úr aðstæðum og yfirgefa húsið eða loka sig af inni í herbergi og hugsa markvisst um eitthvað annað til að heyra ekki um hvað rifrildin snerust. Flest þessara barna óskuðu sér að hlutirnir myndu breytast og þau gætu átt heilbrigt fjölskyldulíf (Tinnfält, Fröding, Larsson, Dalal, 2018). Ljóst er að áfengis- og vímuefnaröskun er stórt vandamál í öllum samfélögum heimsins. Það er því mikilvægt að skoða hvað er hægt að gera í þeim tilgangi að minnka skaðann. Áhrifin sem það hefur á börn að alast upp á heimili þar sem virkur vandi er til staðar eru mikil. Börn upplifa mikið óöryggi, sem er eitt og sér alvarlegt vandamál. Öll börn þurfa öryggi til að öðlast það sjálfstraust sem þarf til að uppskera heilbrigð samskipti og tengsl. Því er kippt undan börnum sem hafa ekki þetta öryggi. Þau eru svipt mikilvægum þroskaþætti og því er mikilvægt að halda áfram að rannsaka málið út frá sjónarhorni þeirra svo að möguleiki sé á betri lausn í framtíðinni. Það er því deginum ljósara að það hefur mikil áhrif á börn að alast upp í slíku umhverfi. Það er ekki einungis drykkjan sjálf sem veldur skaða, heldur hegðun einstaklingsins sem á við vanda að stríða. Eins og fram kom í rannsókn þeirra Tinnfält, Fröding, Larsson og Dalal áttu flest þeirra barna sem talað var við í rannsókninni það sameiginlegt að óska þess heitt að aðstæður þeirra breyttust svo þau þyrftu ekki að upplifa þessar neikvæðu tilfinningar, ábyrgðina og óöryggið sem þessum aðstæðum fylgir. Með því að rannsaka efnið betur er hægt að þróa og gagnreyna aðferðir sem gætu hjálpað börnum sem búa við þessar aðstæður. Það er því mikilvægt að auka fræðslu um málefnið svo að fræðimenn sem og almenningur séu meðvitaðri um vandann. Höfundur er dagskrárstjóri í Hlaðgerðarkoti. Kísildalur ehf. - Síðumúli 15 - 105 Reykjavík Sími: 517-1150 - www.kisildalur.is - kisildalur@kisildalur.is Ódýrar tölvuviðgerðir hjá tæknimönnum með áratuga reynslu. Varahlutir og íhlutir í allar gerðir af tölvum. Netbúnaður fyrir heimili og fyrirtæki. Fartölvur frá Toshiba, Lenovo, HP og eirum. Borðtölvur, smátölvur og vinnustöðvar. Áratuga reynsla í tölvusamsetningum og sérsmíðuðum tölvum.