juli 2021

24 Það viðraði vel í upphafi dags laugardaginn 22. maí þegar haldið var golf- og hjólamót við Golfklúbb Mosfellsbæjar til styrktar Hlaðgerðarkoti og Sumarbúðum í Reykjadal. Tæplega 180 manns spiluðu á golfmótinu og rúmlega 60 einstaklingar tóku þátt í hjólreiðakeppninni. Páll Örn Líndal hafði veg og vanda af viðburðinum, sem safnaði rúmlega einni milljón króna á hvorn stað. Í samtali við Samhjálparblaðið segir Páll Örn að hugmyndin hafi kviknað í hópi vina í Facebook-spjalli. „Við höfðum rætt um það að okkur langaði að gera eitthvað þegar rýmkað yrði á samkomutakmörkunum og vorum allir sammála um að vilja gera eitthvað skemmtilegt,“ segir Páll Örn léttur í bragði. „Úr varð þessi hugmynd, að skipuleggja skemmtilegan dag og safna um leið fyrir „Sælla að gefa en að þiggja“ góðum málefnum. Við hófum því að undirbúa þessa tvo viðburði, golfmót og hjólreiðakeppni, sem yrðu haldnir samhliða.“ Samfélagsverkefni í heimabyggð Sem fyrr segir rann allur ágóði af deginum til Hlaðgerðarkots og Sumarbúðanna í Reykjadal. Spurður hvernig það kom til segir Páll Örn að sami vinahópur hafi ákveðið hvaða starfsemi skyldi styðja. „Golfklúbbur Mosfellsbæjar vildi taka þátt í því að styðja við samfélagsleg verkefni í bæjarfélaginu og bæði Hlaðgerðarkot og Reykjadalur falla þar undir,“ segir Páll Örn. Því má bæta við að Golfklúbbur Mosfellsbæjar lagði til golfvöllinn og annað sem þarf til að halda mótið en auk þess gáfu allir sem að viðburðinum komu vinnu sína. Þrjár leiðir voru í boði á golfmótinu, en það fyrirkomulag hefur fram til þessa verið óþekkt hér á landi. Þátttakendur gátu tekið þátt í einstaklingskeppni, tveggja manna Texas Scramble og loks fjögurra manna Texas Scramble. Að sögn Páls Arnar vakti það mikla lukku meðal þátttakenda. Í hjólreiðakeppninni voru tvær hjólaleiðir í boði, Mosfellsheiðaráskorun (45 km) og Fjölskylduvænn Mosfellshringur (10 km). Sjálfur tók Páll Örn þátt í hvoru tveggja, í hjólreiðakeppninni um morguninn og í golfmótinu síðdegis. Vegleg verðlaun í boði Eins og gefur að skilja fer nokkur vinna í að undirbúa viðburð sem þennan. Hann þarf að auglýsa, halda þarf utan um skráningu og safna þarf verðlaunum auk fleiri verkefna. Að sögn Páls Arnar veittu fjölskylda hans Hjólreiðabúðirnar Markið og Sensabike á Íslandi gáfu Scott- og Sensa-hjól í verðlaun. Öll aðstaða við Golfklúbb Mosfellsbæjar er til fyrirmyndar og golfarar fóru glaðir út í daginn. Við óskum landsmönnum öllum góðs gengis. Aðstandendur Samhjálpar eiga hrós skilið fyrir gott starf. Samfélag er samvinnuverkefni okkar allra og mikilvægt að við styðjum hvert annað.