Samhjalp des2021

3 EFNISYFIRLIT Þrátt fyrir að hafa fengið gott uppeldi varð Tinna Aðalbjörnsdóttir fyrir áföllum í æsku sem hún tókst ekki á við fyrr en hún fór í meðferð í Hlaðgerðarkoti. Þá átti hún að baki áralanga neyslusögu sem kostaði hana allt. Saga Tinnu er að sumu leyti eins og dramatísk kvikmynd – þó með góðum endi. Regína Ásvaldsdóttir, sviðsstjóri velferðarsviðs Reykjavíkurborgar, ræðir um samstarf Samhjálpar og Reykjavíkurborgar. Hún segir samstarfið einkennast af virðingu og trausti og að Samhjálp sinni mikilvægu hlutverki í samfélaginu. Helga Lind Pálsdóttir, forstöðumaður í Hlaðgerðarkoti, ræðir í viðtali um þær umfangsmiklu breytingar sem hafa verið gerðar á eftirmeðferðar- og áfangaheimilinu Brú, sem rekið er af Samhjálp. Hún segir mikilvægt að bjóða upp á starf sem skili fólki aftur út í samfélagið sem gildum samfélagsþegnum. Fjallað er um styrk sem Samhjálp fékk frá Styrktarsjóði geðheilbrigðis fyrir verkefni sem er ætlað að auka á langtíma bjargir og verkfæri til sjálfsvinnu einstaklinga eftir að meðferð lýkur og batavegferð hefst. Katrín Inga Hólmsteinsdóttir ræðir um starfsemi TC-skólans á Íslandi, en sambærilega starfsemi má finna í um 130 löndum. Skólinn hefur verið vel sóttur frá því að hann var settur á fót sumarið 2020. Í þessu tölublaði er einnig að finna umfjöllun um nýlegan samning við félagsmálaráðuneytið, starfsemi Samhjálpar um jól og áramót, jólahugvekju, samtal við styrktaraðila og grein frá heilbrigðisráðherra auk annarra frétta úr starfi Samhjálpar. 6 12 16 20 24