Samhjalp juli 2019

15 Þess má til gamans geta að Agata starfaði á árum áður sem leikkona í leikhúsi í heimaborg sinni í Póllandi. Hún lét af störfum í leikhúsinu fyrir tæpum tveimur áratugum, en segir löngunina til að leika alltaf blunda innra með sér. Sposk á svip segir hún að draumurinn sé líklega að leika í spennumynd með Ingvari E. Sigurðssyni. „Stuttu síðar bauð bróðir minn, sem var kristinn, mér með sér í kirkju. Fólkið þar tók svo vel á móti mér, og það voru kaflaskil fólgin í því fyrir mig, þ.e. að upplifa þann kærleik og þá hlýju sem þau sýndu mér. Ég fann trú mína vaxa þó svo að ég bæri það ekki á torg. Stuttu síðar varð ég fyrir mikilli trúarupplifun, játaði trú á Jesú og sagði öllum sem vildu heyra. Ég ákvað í framhaldinu að láta gott af mér leiða og gera það sem ég gæti til að aðstoða heimilislausa í heimaborg minni. Kirkjan sem ég sótti var með öflugt starf sem fólst í því að veita heimilislausum áfengissjúklingum aðstoð og koma þeim í afvötnun og meðferð. Það var mjög gefandi að sjá líf þeirra breytast til hins betra. Guð elskar alla og það er von fyrir alla, það er mjög mikilvægt að vera fullviss um það.“ Náttgalli 25999 lindex.is 100% lífræn bómull