Veiðikortið 2023

68 veidikortid.is Staðsetning: Hraunhafnarvatn, Æðarvatn og Arnarvatn eru í Norðurþingi á Melrakkasléttu. Upplýsingar um vatnasvæðið: Hraunhafnarvatn er stærsta vatnið á Melrakkasléttu eða 3,4 km 2 . Vatnið er dýpst um 4 m og er í 2 m hæð yfir sjávarmáli. Hraunhafnará rennur í suðurenda vatnsins. Æðarvatn og Arnarvatn eru mun smærri. Leiðarlýsing: Fjarlægð er um 610 km frá Reykjavík sé farið um Hólaheiði og 13 km frá Raufarhöfn að Hraunhafnarvatni. Vatnasvæðið liggur við þjóðveg 85. Hraunhafnarvatn er við þjóðveginn og liggur hann við vatnið á malarrifi sem er milli vatns og sjávar. Varðandi Æðarvatn þá liggur þjóðvegurinn rétt ofan við nyrðri enda vatnsins í u.þ.b. 100 m fjarlægð og er ágætt að leggja bílum þar. Fyrir þá sem ætla í Arnarvatn þá er töluverð ganga þangað eða um 500 m. Veiðisvæðið: Veiði er heimil í landi Skinnalóns og má sjá merkingu á korti hvar má veiða. Bestu veiðistaðirnir í Hraunhafnarvatni eru við mölina og einnig með því að ganga inn með vatninu í átt að Hraunhafnará. Í Æðavatni er best að veiða á töngum, sem skaga út í vatnið á nokkrum stöðum. Mesta dýpt er u.þ.b. 3 mtr. Gisting: Leyfilegt er að tjalda á eigin ábyrgð á gömlu túni við vatnið, en stutt er í mjög gott skipulagt tjaldstæði á Raufarhöfn. Einnig er hægt að athuga með gistingu á Hótel Norðurljósum. Veiði: Á vatnasvæðinu eru bæði bleikja og urriði. Vel hefur verið staðið að grisjun á smábleikju á svæðinu sem hefur aukið á meðalþyngd veiddra fiska. Mikið er af allt að 3 punda bleikju á vatnasvæðinu, en einnig urriða sem getur orðið allt að 6 pund. Í Æðarvatni er fiskurinn af svipaðri stærð og úr Hraunhafnarvatni enda rennur lækur á milli þeirra. Í Arnarvatni er hærra hlutfall af urriða en þar er veiðin minni sökum þess að hlutfallslega færri sækja þangað sökum fjarlægðar. Agn: Leyfilegt agn er fluga, maðkur og spónn. Besti veiðitíminn: Veiði er nokkuð jöfn yfir daginn. Reglur: Handhöfum Veiðikortsins ber að vera með kortið og skilríki á sér og tilbúnir að sýna það veiðiverði þegar hann vitjar veiðimanna. Það er stranglega bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa. Óskað er Melrakkaslétta 1. maí - 30. sept 24/7 Hraunhafnarvatn, Arnarvatn og Æðarvatn í landi Skinnalóns Reynir Ólafsson - Æðarvatn 66° 30,880’N, 15° 59,592’W REYKJAVÍK 610 KM RAUFARHÖFN 13 KM Stök leyfi til sölu á vefverslun.veidikortid.is