Áramótablað Hjálparsveita Skáta í Kópavogi 2021

ÁRAMÓTABLAÐ HSSK 2021 25 „Seinnipartinn á sunnudeginum, tveim dögum eftir að gos hófst, fór ég ásamt nokkrum félögum úr hjálparsveitinni á eigin vegum. Suðurstrandarvegurinn var lokaður í Grindavík vegna skemmda sem höfðu orðið við skjálftana. Við fórum því þaðan á fjallahjólum. Mikið af fólki var á ferðinni ýmist gangandi eða á hjólum. Á bakaleiðinni var veður farið að versna og löng leið til baka. Svo kom útkall, þá var að koma sér niður og skipta um farartæki og í björgunarsveitargallann. Við vorum svo fram eftir nóttu að aðstoða fólk til baka.“ Arnar Ólafsson Björgunarsveitarfólk fór út um allt bæði gangandi og keyrandi og notast var við hljóð og ljósmerki til að leiðbeina fólki í átt að hjálp. Það er alveg ljóst að ansi margir hafi verið aðstoðinni fegnir. Fyrstu vikurnar voru strembnar Fyrstu vikurnar sinntu björgunarsveit- ir umferðarstjórnun ásamt lögreglu og leiðbeindu gosgestum eins og kostur var. Einstefna var til austurs úr Grindavík vegna vegaskemmda á veginum við Festarfjall. Landeigendur opnuðu inn á tún og svæði í næsta nágrenni fyrir bílastæði en það dugði tæplega til suma daga, slík var traffíkin. Reynt var að koma skikki á hvar fólk færi að gosi, búa til gönguleiðir og merkja þær. Ekki var nú alltaf hlustað á ráðleggingar okkar og fólk lagði af stað til fjalls í spari- skóm og léttklætt. Skipulögð gæsla var allan sólarhringinn frá fyrsta degi og allt til 6. apríl en þá tók lögreglustjórinn á Suðurnesjum ákvörðun um að loka upp að gosstöðvum yfir nóttina enda var mikið um slys á svæðinu. Ökklameiðsl og örmögnun voru þar mest áberandi. Það gekk misvel að koma fólki af svæðinu um miðnætti og á tímabili MYND: AÐALSTEINN BALDURSSON